My photo

  Geiriau Cymraeg i 'When I'm Gone' gan Pitch Perfect.

  Ysbrydolwyd fi i ysgrifennu'r geiriau yma wedi i mi weld y fideo hyfryd yma gan bobl ifanc mewn gwersyll Gwyddeleg Coláiste Lurgan yn yr Iwerddon. Mae croeso i unrhyw un ddefnyddio'r geiriau ond i chi roi cydnabyddiaeth a bydd angen i chi drefnu caniatâd gyda chyfansoddwyr gwreiddiol y don. Mae 3 pennill i fy fersiwn i ... wedi ail-edrych ar y gân wreiddiol, sylweddolais mai ond dau oedd ganddyn nhw. Dwi'n meddwl fod tri yn well!


  'Angen Clywed Sŵn y Môr’ (Cân y Cwpan)


     Addasiad o ‘When I’m Gone’ gan Pitch Perfect


Dwi’n teimlo’n unig ac yn drist sawl gwaith
‘da pobl sy’m yn dallt y sgôr
Maen nhw’n siarad nid yn sgwrsio; yn clywed nid yn gwrando –
Dwi angen clywed sŵn y môr

Cytgan:
Swn y môr, swn y môr, dwi angen clywed swn y môr
Yn Llangrannog neu Bwllheli, Cefn Sidan neu y Barri
Dwi angen clywed sŵn y môr

Dwi’n cofio unwaith ffeindio hwyl a sbri
A lle i feddwl i fi fy hun
Ffrindiau newydd fel y llanw yn golchi hen bryderon
A llenwi pwll yn fy mywyd i

Cytgan:

Weithiau mae person angen lle i fynd
Lle mae’r gorwel yn un pell
Lle i syllu, lle i rannu, lle i ganu, lle i wenu;
Ton o nerth at fory gwell


Geiriau Cymraeg, Siôn T. Jobbins 2013